Kerala Govt Jobs 2026: കേരളത്തിലെ വിവിധ സർക്കാർ, അർധസർക്കാർ, സർക്കാർ നിയന്ത്രിത സ്ഥാപനങ്ങളിലായി സീനിയർ സൂപ്രണ്ട്, ടെക്‌നിക്കൽ അസിസ്റ്റന്റ്, റേഡിയോളജിസ്റ്റ്, ഗസ്റ്റ് ലക്ചറർ, വെറ്ററിനറി ഡോക്ടർ, ഗസ്റ്റ് ഇൻസ്ട്രക്ടർ, CSSD ടെക്നീഷ്യൻ, അസിസ്റ്റന്റ് പ്രൊഫസർ, വർക്ക്‌ഷോപ്പ് ഇൻസ്ട്രക്ടർ, ഡെമോൺസ്ട്രേറ്റർ, ഡാറ്റ അനലിസ്റ്റ്, ഫിനാൻസ് ഓഫീസർ, കൗൺസിലർ തുടങ്ങിയ വിവിധ തസ്തികകളിലേക്ക് നിയമനം നടക്കുന്നു. യോഗ്യത, ശമ്പളം, പ്രായപരിധി, അപേക്ഷാ തീയതി, വാക്ക്-ഇൻ ഇന്റർവ്യൂ, അപേക്ഷിക്കേണ്ട വിധം എന്നിവയുടെ പൂർണ്ണ വിവരങ്ങൾ അറിയാം.


കെ എച്ച് ആർ ഡബ്ല്യു എസിൽ സീനിയർ സൂപ്രണ്ട് നിയമനം

ആരോഗ്യ മേഖലയിലെ കേരള സർക്കാരിന്റെ നിയന്ത്രണത്തിലുള്ള കേരള ഹെൽത്ത് റിസർച്ച് ആൻഡ് വെൽഫെയർ സൊസൈറ്റിയിൽ (കെ എച്ച് ആർ ഡബ്ല്യു എസ്) സീനിയർ സൂപ്രണ്ട് തസ്തികയിൽ ഡെപ്യൂട്ടേഷൻ വ്യവസ്ഥയിൽ നിയമനത്തിന് അപേക്ഷ ക്ഷണിച്ചു.

51,400-1,10,300 രൂപ ശമ്പള സ്‌കെയിലിലുള്ള തസ്തികയിലേക്ക് സർക്കാർ/ അർധസർക്കാർ സ്ഥാപനങ്ങളിൽ സമാന തസ്തികയിൽ ജോലി ചെയ്യുന്ന ഉദ്യോഗസ്ഥർക്ക് അപേക്ഷിക്കാം. കെ.എസ്.ആർ. 144 പ്രകാരമുള്ള അപേക്ഷയും വകുപ്പ് മേധാവിയുടെ എൻ ഒ സിയും സഹിതം ആഗസ്റ്റ് 21ന് വൈകിട്ട് അഞ്ചിനകം അപേക്ഷ ലഭിക്കണം.

അപേക്ഷകൾ മാനേജിങ് ഡയറക്ടർ, കേരള ഹെൽത്ത് റിസർച്ച് ആൻഡ് വെൽഫെയർ സൊസൈറ്റി (കെ എച്ച് ആർ ഡബ്ല്യു എസ്), ജനറൽ ആശുപത്രി ക്യാമ്പസ്, റെഡ് ക്രോസ് റോഡ്, തിരുവനന്തപുരം - 695035 എന്ന വിലാസത്തിൽ സമർപ്പിക്കണം.

ടെക്‌നിക്കൽ അസിസ്റ്റന്റ് നിയമനം

കാർഷിക യന്ത്രവത്കരണ ഉപപദ്ധതി (SMAM)യുടെ ഭാഗമായി ഇടുക്കി കൃഷി അസിസ്റ്റന്റ് എക്‌സിക്യൂട്ടീവ് എൻജിനീയറുടെ കാര്യാലയത്തിൽ ടെക്‌നിക്കൽ അസിസ്റ്റന്റ് തസ്തികയിൽ കരാർ അടിസ്ഥാനത്തിൽ നിയമനം നടത്തുന്നു. ബി.ടെക് അഗ്രികൾച്ചറൽ എൻജിനീയറിങ് യോഗ്യതയുള്ള പട്ടികജാതി വിഭാഗത്തിൽപ്പെട്ട ഉദ്യോഗാർഥികൾക്ക് അപേക്ഷിക്കാം.

നിയമനത്തിനായി ആഗസ്റ്റ് 31ന് ഉച്ചയ്ക്ക് രണ്ടിന് തൊടുപുഴയിലെ ഇടുക്കി ജില്ലാ പ്രിൻസിപ്പൽ കൃഷി ഓഫീസറുടെ കാര്യാലയത്തിൽ വാക്ക്-ഇൻ-ഇന്റർവ്യൂ നടത്തും. താത്പര്യമുള്ളവർ ജനന തീയതി, വിദ്യാഭ്യാസ യോഗ്യത, ജാതി, മുൻപരിചയം, മേൽവിലാസം എന്നിവ തെളിയിക്കുന്ന അസൽ രേഖകളും സ്വയം സാക്ഷ്യപ്പെടുത്തിയ പകർപ്പുകളും പാസ്‌പോർട്ട്‌ സൈസ് ഫോട്ടോയും സഹിതം ഹാജരാകണം. ഉദ്യോഗാർഥികൾ ബയോഡാറ്റ ആഗസ്റ്റ് 24 വൈകിട്ട് അഞ്ചിനകം aeeagridk@gmail.com എന്ന ഇ-മെയിൽ വിലാസത്തിൽ സമർപ്പിക്കണം. കൂടുതൽ വിവരങ്ങൾക്ക്: 9446981320,9446246671.


ന്യൂറോളജിസ്റ്റ് നിയമനം

തിരുവനന്തപുരം റീജിയണൽ കാൻസർ സെന്ററിൽ പാർട്ട് ടൈം വ്യവസ്ഥയിൽ റേഡിയോളജിസ്റ്റിനെ നിയമിക്കുന്നതിന് ആഗസ്റ്റ് 19 ന് വാക്ക് ഇൻ ഇന്റർവ്യൂ നടത്തും. വിശദവിവരങ്ങൾക്ക്: www.rcctvm.gov.in.

ഗസ്റ്റ് ലക്ചറർ ഇന്റർവ്യൂ

തിരുവനന്തപുരം സർക്കാർ സംസ്കൃത കോളേജിൽ സംസ്കൃതം സാഹിത്യ വിഭാഗത്തിൽ ഗസ്റ്റ് ലക്ചറർമാരെ നിയമിക്കുന്നതിന് ആഗസ്റ്റ് 18ന് ഇന്റർവ്യൂ നടക്കും. യോഗ്യതയുള്ളവർ രാവിലെ 11ന് പ്രിൻസിപ്പാളിന്റെ ചേമ്പറിൽ എത്തിച്ചേരണം. 

കോളേജ് വിദ്യാഭ്യാസ വകുപ്പിന്റെ മേഖലാ ഓഫീസിൽ ഗസ്റ്റ് അധ്യാപകരുടെ പാനലിൽ രജിസ്റ്റർ ചെയ്തിട്ടുള്ള ഉദ്യോഗാർഥികൾ യോഗ്യത, ജനന തീയതി, മുൻപരിചയം എന്നിവ തെളിയിക്കുന്നതിനുള്ള അസൽ സർട്ടിഫിക്കറ്റുകൾ, പകർപ്പുകൾ സഹിതം അഭിമുഖത്തിന് ഹാജരാകണം. കൂടുതൽ വിവരങ്ങൾക്ക്: 9188900159, 0471 2322930.

സൈക്കോളജി സീറ്റ് ഒഴിവ്

കണ്ണൂർ യൂണിവേഴ്സിറ്റിക്ക് കീഴിലുള്ള പനമരം ഡബ്ല്യു.എം.ഒ. ഐ.ജി കോളേജിൽ എം.എസ് സി. സൈക്കോളജി കോഴ്സിൽ ഏതാനും സീറ്റുകൾ ഒഴിവുണ്ട്. 

താൽപര്യമുള്ളവർ ആഗസ്റ്റ് 15ന് ഉച്ചിക്ക് രണ്ടിനകം കോളേജ് ഓഫീസില്‍ നേരിട്ട് ബന്ധപ്പെടണം. ഫോണ്‍-9188663306


വെറ്ററിനറി ഡോക്ടർ നിയമനം

മൃഗസംരക്ഷണ വകുപ്പിന്റെ മൊബൈൽ വെറ്ററിനറി യൂണിറ്റിലേക്ക് 89 ദിവസത്തെ കരാർ അടിസ്ഥാനത്തിൽ താത്കാലികമായി വെറ്ററിനറി ഡോക്ടറെ നിയമിക്കുന്നു. 

വെറ്ററിനറി ബിരുദവും വെറ്ററിനറി കൗൺസിൽ രജിസ്ട്രേഷനുമാണ് യോഗ്യത. താത്പര്യമുള്ളവർ യോഗ്യതാ സർട്ടിഫിക്കറ്റുകളുടെ അസലും പകർപ്പും അംഗീകൃത തിരിച്ചറിയൽ രേഖയും സഹിതം ഓഗസ്റ്റ് 14ന് ഉച്ചയ്ക്ക് 12ന് കൽപ്പറ്റയിലെ ജില്ലാ മൃഗ സംരക്ഷണ ഓഫീസിൽ അഭിമുഖത്തിന് എത്തണം. ഫോൺ: 04936 202292.

ഗസ്റ്റ് ഇൻസ്ട്രക്ടർ നിയമനം

കൽപ്പറ്റ കെ.എം.എം ഗവ. ഐ.ടി.ഐയിലെ ബേക്കർ ആന്റ് കൺഫെക്ഷനർ ട്രേഡിൽ ജൂനിയർ ഇൻസ്ട്രക്ടർ തസ്തികയിൽ ഗസ്റ്റ് ഇൻസ്ട്രക്ടറെ നിയമിക്കുന്നു. എസ്.സി വിഭാഗത്തിൽ ഒരു ഒഴിവാണുള്ളത്. 

എസ്.സി വിഭാഗത്തിലുള്ളവരുടെ അഭാവത്തിൽ ഓപ്പൺ വിഭാഗത്തിലുള്ളവരെയും പരിഗണിക്കും. താത്പര്യമുള്ളവർ അസൽ സർട്ടിഫിക്കറ്റുകളും പകർപ്പുകളുമായി ഓഗസ്റ്റ് 14 രാവിലെ 11ന് നടക്കുന്ന അഭിമുഖത്തിൽ പങ്കെടുക്കണം. ഫോൺ: 04936 205519.

സി.എസ്.എസ്.ഡി ടെക്നീഷ്യൻ ഒഴിവ്

ആലപ്പുഴ മെഡിക്കല്‍ കോളേജ് ആശുപത്രി വികസന സൊസൈറ്റിക്ക് കീഴില്‍ 650 രൂപ ദിവസവേതന അടിസ്ഥാനത്തില്‍ സി എസ് എസ് ഡി ടെക്നീഷ്യന്റെ ഒരു ഒഴിവിലേക്ക് അപേക്ഷ ക്ഷണിച്ചു. 

യോഗ്യത എൻടിസി ഇൻസ്ട്രമെന്റ് മെക്കാനിക്ക്/മെക്കാനിക്കൽ മെഡിക്കൽ ഇലക്ട്രോണിക്സും സർക്കാർ അംഗീകൃത സ്ഥാപനത്തിൽ നിന്ന് സിഎസ്ആർ ടെക്നോളജിയിലുള്ള ഒരു വർഷത്തെ അപ്രന്റീസ്ഷിപ്പും. അല്ലെങ്കില്‍ മെഡിക്കല്‍ വിദ്യാഭ്യാസ വകുപ്പ് നടത്തുന്ന സെന്‍ട്രല്‍ സ്റ്റെറൈല്‍ സപ്ലൈ ടെക്നോളജിയില്‍ ഡിപ്ലോമ കോഴ്സ് പാസായിരിക്കണം. പ്രായം 20-40. 

താൽപര്യമുള്ള ഉദ്യോഗാർഥികൾ അതത് എംപ്ലോയ്മെന്റ് എക്സ്ചേഞ്ചിൽ ആഗസ്റ്റ് 17 നകം നേരിട്ട് ഹാജരാകണമെന്ന് ജില്ലാ എംപ്ലോയ്മെന്റ് ഓഫീസർ അറിയിച്ചു.


അധ്യാപകരെ ആവശ്യമുണ്ട്

നെടുങ്കണ്ടം സര്‍ക്കാര്‍ പോളിടെക്നിക് കോളേജില്‍ മാത്തമാറ്റിക്സ് വിഭാഗത്തില്‍ അസിസ്റ്റന്റ് പ്രൊഫസര്‍, മെക്കാനിക്കല്‍ വിഭാഗങ്ങളില്‍ വര്‍ക്ക്‌ഷോപ്പ് ഇന്‍സ്ട്രക്ടര്‍, കമ്പ്യൂട്ടര്‍ ഹാര്‍ഡ്‌വെയര്‍ എഞ്ചിനീയറിംഗ് വിഭാഗത്തില്‍ ഡെമോണ്‍സ്ട്രേറ്റര്‍ എന്നീ തസ്തികയിലേക്ക് ദിവസവേതന അടിസ്ഥാനത്തില്‍ നിയമനം നടത്തുന്നു. ആഗസ്റ്റ് 18 ചൊവ്വാഴ്ച്ച എഴുത്തു പരീക്ഷയും അഭിമുഖവും നടത്തും.

വര്‍ക്ക്‌ഷോപ്പ് ഇന്‍സ്ട്രക്ടര്‍ യോഗ്യത- ബന്ധപ്പെട്ട വിഷയത്തില്‍ ഡിപ്ലോമ, അസിസ്റ്റന്റ് പ്രൊഫസര്‍ ഇന്‍ മാത്തമാറ്റിക്സ് - ബന്ധപ്പെട്ട വിഷയത്തില്‍ ബിരുദാനന്തര ബിരുദം, നെറ്റ്, ഡെമോണ്‍സ്ട്രേറ്റര്‍ ഇന്‍ കമ്പ്യൂട്ടര്‍ ഹാര്‍ഡ് വെയര്‍ എഞ്ചിനീയറിംഗ് - ബന്ധപ്പെട്ട വിഷയത്തില്‍ ഡിപ്ലോമ. 

യോഗ്യതയുള്ള ഉദ്യോഗാര്‍ത്ഥികള്‍ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകളും പകര്‍പ്പുകളും പ്രവൃത്തിപരിചയ സര്‍ട്ടിഫിക്കറ്റുകളും ബയോഡേറ്റയുമായി രാവിലെ 10 മണിക്ക് പ്രിന്‍സിപ്പാള്‍ മുമ്പാകെ ഹാജരാകണമെന്ന് പ്രിന്‍സിപ്പാള്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍ 04868 -234082. ഇമെയില്‍-gptcnedumkandam.ac.in

ഡാറ്റ അനലിസ്റ്റ് ഒഴിവ്

വനിതാ ശിശു വികസന വകുപ്പിന്റെ കീഴിൽ മിഷൻ വാൽസല്യ പദ്ധതിയുടെ ഭാഗമായി പ്രവർത്തിക്കുന്ന എറണാകുളം ചൈൽഡ് ഹെൽപ് ലൈൻ, റെയിൽവേ ചൈൽഡ് ഹെൽപ് ലൈൻ എന്നിവിടങ്ങളിലേക്ക് ഡാറ്റ അനലിസ്റ്റ് തസ്തികയിൽ ദിവസ വേതനാടിസ്ഥാനത്തിൽ നിയമനം നടത്തുന്നു. 

618 രൂപയായിരിക്കും വേതനം. സ്റ്റാറ്റിസ്റ്റിക്സ്, മാത്തമാറ്റിക്സ് എക്കണോമിക്സ് ബിസിഎ ഇവയിൽ ഏതെങ്കിലും ബിരുദവും കംപ്യൂട്ടർ പരിജ്ഞാനവുമാണ് യോഗ്യത. പ്രവൃത്തി പരിചയം ഉള്ളവർക്ക് മുൻഗണന ഉണ്ടാവും. അപേക്ഷ ലഭിക്കേണ്ട അവസാന തിയതി ആഗസ്റ്റ് 20


ഫിനാൻസ് ഓഫീസർ നിയമനം

കൊച്ചിയിലെ നാഷണൽ യൂണിവേഴ്‌സിറ്റി ഓഫ് അഡ്വാൻസ്ഡ് ലീഗൽ സ്റ്റഡീസിൽ (NUALS) ഫിനാൻസ് ഓഫീസർ തസ്തികയിൽ താൽക്കാലിക നിയമനത്തിന് അപേക്ഷ ക്ഷണിച്ചു. 

ഓപ്പൺ കാറ്റഗറിയിൽ ഒരു ഒഴിവാണുള്ളത്. അപേക്ഷകൾ ലഭിക്കേണ്ട അവസാന തീയതി സെപ്റ്റംബർ 10. അപേക്ഷാ ഫോറവും മറ്റ് വിശദാംശങ്ങളും www.nuals.ac.in ൽ ലഭ്യമാണ്. കൂടുതൽ വിവരങ്ങൾക്ക് 9446899006.

കൗണ്‍സിലര്‍ ഒഴിവ്

സംസ്ഥാന എയ്ഡ്‌സ് കണ്‍ട്രോള്‍ സൊസൈറ്റിയുടെ കീഴിലുള്ള ലാസ് കോമ്പോസൈറ്റ് സുരക്ഷാ പ്രോജക്ടില്‍ കൗണ്‍സിലര്‍ തസ്തികയിലേക്ക് നിയമനം നടത്തുന്നു. 

യോഗ്യത: സൈക്കോളജി/ സോഷ്യല്‍ വര്‍ക്ക്/ സോഷ്യോളജി/ ആന്ത്രോപ്പോളജി/ ഹ്യൂമന്‍ ഡെവലപ്പ്മെന്റ്/ നഴ്സിംഗില്‍ ബിരുദവും കൗണ്‍സിലിംഗില്‍ 3 വര്‍ഷത്തെ പ്രവൃത്തിപരിചയവും അല്ലെങ്കില്‍ മേല്‍പ്പറഞ്ഞ വിഷയങ്ങളില്‍ ബിരുദാനന്തര ബിരുദവും. കൊല്ലം സ്വദേശികള്‍ക്ക് മുന്‍ഗണന. പ്രതിമാസ വേതനം: 16,000 രൂപയും ടി.എയും. 

ഓഗസ്റ്റ് 17ന് രാവിലെ 10ന് ബയോഡേറ്റയും യോഗ്യത തെളിയിക്കുന്ന സര്‍ട്ടിഫിക്കറ്റുകളും പകര്‍പ്പുകളുമായി ഓഫീസില്‍ എത്തണം. വിലാസം: ലാസ് കോമ്പോസൈറ്റ് സുരക്ഷാ പ്രോജക്ട്, എ.ആര്‍ സൂപ്പര്‍ മാര്‍ക്കറ്റിന് സമീപം, മേടയില്‍മുക്ക്, രാമന്‍കുളങ്ങര, കൊല്ലം. ഫോണ്‍: 0474 2796606.